نماز پڑھنے کا طریقہ

نماز پڑھنے کا طریقہ

جب نماز پڑھنا شروع کرے تو پہلے قبلے کی طرف مونھ کرکے کھڑی ہوں  پھر دل میں نیت کرے اور اس کے ساتھ زبان سے بھی دہرائے کہ میں  نیت کرتی ہوں  نماز فجر کی دو رکعت فرض واسطے اللہ تعالیٰ کے لئے مونھ میر کعبۃ اللہ شریف پھر دونوں ہاتھوں کو کندھوں تک اس طرح اٹھائے کہ ہاتھوں کی ہتھیلیاں قبلہ رخ ہو اور ہاتھوں کو دوپٹے سے باہر نہیں نکالے ، پھر چھاتی پر دونوں ہاتھوں کو اس طرح باندھے کہ سیدھے ہاتھ کی ہتھیلی الٹے ہاتھ کی پشت پر رکھے  اللہ اکبر کہہ کر ہاتھ باندھے اور اس کے بعد یہ دعا پڑھے ۔

ثناء

"سُبْحَانَكَ اللّٰهُمَّ وَبِحَمْدِكَ وَتَبَارَكَ اسْمُكَ وَتَعَالٰى جَدُّكَ وَلَا إِلٰهَ غَيْرُكَ".

پھر اَعُوْذُ بِاللہِ مِنَ الشَیْطٰنِ الرَّجِیْمِ ۔ بِسْمِ اللہِ الرَّحْمٰنِ الرَّحیْمِ  پھر  الْحَمْدُ لِلَّهِ رَبِّ الْعَالَمِينَ ۔ الرَّحْمَنِ الرَّحِيمِ ۔ مَالِكِ يَوْمِ الدِّينِ ۔ إِيَّاكَ نَعْبُدُ وَإِيَّاكَ نَسْتَعِينُ ۔ اهْدِنَا الصِّرَاطَ الْمُسْتَقِيمَ ۔ صِرَاطَ الَّذِينَ أَنْعَمْتَ عَلَيْهِمْ غَيْرِ الْمَغْضُوبِ عَلَيْهِمْ وَلَا الضَّالِّينَ ۔ پھر آمین کہے اور پھر کوئی سورۃ پڑھے :

إِنَّا أَعْطَيْنَاكَ الْكَوْثَرَ ۔ فَصَلِّ لِرَبِّكَ وَانْحَرْ ۔ إِنَّ شَانِئَكَ هُوَ الْأَبْتَرُ ۔

پھر اللہ اکبر کہہ کر رکوع میں جائے اور سُبْحَانَ رَبِّیَ الْعَظِیْمِ تین بار پڑھے ، یا پانچ دفعا پڑھے اور دونوں ہاتھوں کی انگلیاں ملاکر گھٹنوں پر رکھے اور دونوں بازوؤں کو پسلیوں سے اچھی طرح ملائے پھر سَمِعَ اللہُ لِمَنْ حَمِدَہ اور اس کے ساتھ رَبَّنَا وَلَکَ الْحَمْدُ کہہ کر سر اوپر اٹھائے بالکل سیدھی کھڑی ہوجائے ، اس کے بعد سجدہ میں جاتے وقت پہلے گھٹنے زمین پر رکھے پھر کانوں کے برابر دونوں ہاتھوں کو رکھے اور انگلیوں کو اچھی طرح ملالے اور دونوں ہاتھوں کے درمیاں سر رکھے اور سجدہ کرتے وقت پیشانی اور ناک دونوں زمین پر رکھے اور ہاتھوں اور پاؤں کی انگلیاں قبلہ رخ کرے اور پاؤں اوپر نہ اٹھائے بلکہ دائیں طرف نکال دے اور اعضاء کو ملاکر سجدہ کرے ، پیٹ کو دونوں رانوں سے ملائے اور بازوؤں کو پسلیوں سے ملائے اور دونوں بازوؤں کو زمین پر رکھ کر سجدہ کرے ۔ اور سجدہ میں کم سے کم تین مرتبہ سُبْحَانَ رَبِّیَ الْاَعْلَیٰ کہے پھر اللہ اکبر کہہ کر اٹھے اور اچھی طرح بیٹھ جائے پھر اللہ اکبر کہہ کر دوسرا سجدہ کرے اس میں بھی کم سے کم تین مرتبہ  سُبْحَانَ رَبِّیَ الْاَعْلَیٰ   کہے اور اس کے بعد دوسری رکعت کے لئے کھڑا ہوجائے اور بغیرہاتھوں  کے سہارے اٹھے ، پھر بِسْمِ اللہِ الرَّحْمٰنِ الرَّحیْمِ  کہے الحمد شریف پڑھے پھر کوئی بھی سورت پڑھے جیسے :

قُلْ هُوَ اللَّهُ أَحَدٌ ۔ اللَّهُ الصَّمَدُ ۔ لَمْ يَلِدْ وَلَمْ يُولَدْ ۔ وَلَمْ يَكُنْ لَهُ كُفُوًا أَحَدٌ ۔

پھر اللہ اکبر کہہ کر رکوع میں جائے اور قومہ اور سجدہ اور جلسہ کرے پھر دوسرا سجدہ کرے ، پھر دونوں پاؤں دائیں طرف نکال دے اور دونوں ہاتھ رانوں پر رکھے اور ہاتھوں کی انگلیوں کو آپس میں ملائے پھر پڑھے :

"اَلتَّحِيَاتُ للهِ وَالصَّلَوَاتُ وَالطَّيِّبَاتُ اَلسَّلَامُ عَلَيْكَ أَيُّهَا النَّبِيُّ وَرَحْمَةُ اللهِ وَبَرَكاَتُهٗ اَلسَّلَامُ عَلَيْنَا وَعَلٰى عِبَادِ اللهِ الصَّالِحَيْنَ ۔ أَشْهَدُ أَنْ لَا إِلٰهَ إِلَّا اللهُ  وَأَشْهَدُ أَنَّ مُحَمَّدًا عَبْدُهٗ وَرَسُوْلُهٗ" پڑھے پھر یہ درود پڑھے :

"اَللّٰهُمَّ صَلِّ عَلیٰ مُحَمَّدٍ وَّعَلٰی آلِ مُحَمَّدٍ کَمَا صَلَّیْتَ عَلٰی اِبْرَاھِیْمَ وَعَلٰی آلِ اِبْرَاھِیْمَ اِنَّکَ حَمِیْدٌ مَجِیْد ۔ اَللّٰهُمَّ بَارِکْ عَلٰی مُحَمَّدٍ وَّ عَلٰی آلِ مُحَمَّدٍ کَمَا بَارَکْتَ عَلٰی اِبْرَاھِیْمَ وَعَلٰی آلِ اِبْرَاھِیْمَ اِنَّکَ حَمِیْدٌ مَجِیْد ۔

پھر یہ دعا پڑھے :

’’ رَبِّ اجْعَلْنِي مُقِيمَ الصَّلَاةِ وَمِنْ ذُرِّيَّتِي رَبَّنَا وَتَقَبَّلْ دُعَاءِ ۔ رَبَّنَا اغْفِرْ لِي وَلِوَالِدَيَّ وَلِلْمُؤْمِنِينَ يَوْمَ يَقُومُ الْحِسَابُ ‘‘

پھر سلام پھیرتے وقت جمیع امت مسلمہ کی نیت کرے دائیں  اور بائیں طرف سلام پھیرتے وقت کہے : اَلسَّلاَمُ عَلَیْکُمْ وَرَحْمَۃُ اللہِ وَبَرَکَاتُہٗ ۔ پھر جن فرائض کے بعد سنتیں ہیں تو پھر ہاتھ اٹھا کر یہ دعا پڑھے :

{اَللّٰھُمَّ رَبَّنَا آتِنَا فِي الدُّنْيَا حَسَنَةً وَفِي الْآخِرَةِ حَسَنَةً وَقِنَا عَذَابَ النَّارِ} [البقرة: 201] .

پھر جلدی سے اٹھ کر اپنی جگہ سے تھوڑا ہٹ کر دوسری جگہ سنتیں ادا کرے اور صبح کی نماز کے بعد جو کچھ پڑھا جاتا ہے پڑھا جائے ( یعنی قرآن پاک کی تلاوت یا مسائل وغیرہ ) اور ان نمازوں میں جن کے بعد سنتیں نہیں ہیں جیسے فجر اور عصر کی نماز ، ان میں سلام پھیرنے کے بعد تین مرتبہ اَسْتَغْفِرُ اللہ پڑھے پھر ایک مرتبہ آیۃ الکرسی اور (33 )  تینتیس مرتبہ سُبْحَانَ اللہ اور (33) تینتیس بار اَلْحَمْدُ للہ اور (34) چونتیس مرتبہ اَللہ اَکْبَرُ پڑھ کر دعا مانگے ۔

وتر نماز پڑھنے کا طریقہ

وتر نماز پڑھنا واجب ہے اور اسکی تین رکعتیں ہیں ، یہ نماز بھی دوسری نمازوں کی طرح پڑھتے ہیں ۔ فرق یہ ہے کہ تیسری  رکعت میں الحمد شریف اور سورت کے بعد دونوں ہاتھوں کو کندھوں تک اٹھاکر اللہ اکبر کہے اور دعائے قنوت پڑھے ، پھر رکوع کرے ۔

دعائے قنوت

"اَللّٰهُمَّ إِنَا نَسْتَعِيْنُكَ وَنَسْتَغْفِرُكَ وَنُؤْمِنُ بِكَ وَنَتَوَكَّلُ عَلَيْكَ وَنُثْنِيْ عَلَيْكَ الْخَيْرَ وَنَشْكُرُكَ وَلَا نَكْفُرُكَ وَنَخْلَعُ وَنَتْرُكَ مَنْ يَّفْجُرُكَ۔ اَللّٰھُم إِيَّاكَ نَعْبُدُ وَلَكَ نُصَلِّي َونَسْجُدُ وَاِلَيْكَ نَسْعَىٰ وَنَحْفِذُ وَ نَرْجُوْ ارَحْمَتَكَ وَنَخْشَىٰ عَذَابَكَ إِنَّ عَذَابَكَ بِالْكُفَّارِ مُلْحِقٌ ".

وتر عشاء کے فرض کے بعد اور سنت کے بعد پڑھتے ہیں ۔

{رَبَّنَا آتِنَا فِي الدُّنْيَا حَسَنَةً وَفِي الْآخِرَةِ حَسَنَةً وَقِنَا عَذَابَ النَّارِ} [البقرة: 201].