علم التجوید Ilmut Tajweed

علم التجوید

علامہ جزری ؒ فرماتے ہیں:

والأخذ بالتجويد حتم لازم(اور(قرآن مجید) تجوید کے ساتھ سیکھنا ضروری اور لازمی ہے)

من لم يجوّد القرآن آثم(جو شخص تجوید کے ساتھ قرآن نہ پڑھے وہ گناہ گار ہے)

لأنه به الإله أنـــــــــــزلا(اس لئے کہ بلاشبہ قرآن مجید تجوید کے ساتھ اللہ تعالیٰ نے نازل کیا)

وهكذا منه إلينا وصلا(اسی طرح اللہ تعالیٰ سے ہم تک پہنچا ہے)

وھوایضا حلیۃ التلاوۃ(تجوید تلاوت کا زیور بھی ہے)

وزینۃ الاداء والقراءۃ(اور ادا اور علم قراء ت کی زینت بھی ہے)

تلاوت قرآن مجید کی کے چار مراتب ہیں:

 ترتیل: مخارج وصفات کی رعایت رکھتے ہوئے خوش الحانی کے ساتھ ٹھہر ٹھہر کر پڑھنا، اس طرح کی تلاوت فرض نماز میں ہونی چاہئے۔

 تحقیق: ترتیل سے بھی زیادہ اطمینان سے پڑھنا جیسا کہ جلسوں میں تلاوت ہوتی ہے۔

 حدر: قواعد تجوید کی رعایت رکھتے ہوئے قدرے رواں پڑھنا جیسا کہ تراویح میں پڑھا جاتا ہے۔

 تدویر:ترتیل وحدرکے درمیانی انداز میں تلاوت کرنا۔ان میں سب سے افضل مرتبہ ترتیل کا ہے، چنانچہ قرآن پاک میں فرمایا گیا:

وَرَتِّلِ الْقُرْاٰنَ تَرْتِیْلاً(المزمل:4)

تجوید کے قوانین

تجوید :لغوی معنی سنوارنا ،خوبصورت بنانا ،

اصطلاحی معنی :

 جملہ قواعد (مخرج اور صفات ) کے لحاظ سے پڑھنا۔

تجوید کا حکم:

 ہر مسلمان پر فرض ہے۔ رتل القرآن ترتیلا۔ یتلونہ حق تلاوتہ۔

تجوید کا فائدہ:

 اللہ اور اس کے رسول ﷺ کی رضا

ترتیل اورتجویدمیں فرق:

 ترتیل:ہر حرف اور ہر حرکت اچھی طرح واضح کرتے ہوئے ٹھہر ٹھہر کر تلاوت کرنا۔

تجوید: ہر حرف کو اس کے مخرج سے اس کی تمام صفات (لازمہ وعارضہ)کی رعایت کے ساتھ ادا کرنا۔

تعوذ کسے کہتے ہیں اور اس کا مقام کیا ہے؟

جواب : تعوذ "اعوذ باللہ " پڑھنے کو کہتے ہیں اور اس کا مقام ابتداء تلاوت ہے۔

سوال:بسملہ کسے کہتے ہیں اورا س کا  مقام کیا ہے؟

جواب: بسملہ"بسم اللہ " پڑھنے کو کہتے ہیں اوراس کا مقام ابتداء سورت ہے۔

حرکات

سوال : زبر،زیر اورپیش کو کیا کہتے ہیں؟

جواب: زبر ،زیر اورپیش کو حرکات کہتے ہیں۔

سوال: حرکات کو کس طرح پڑھتے ہیں؟

جواب: حرکات کو بغیر کھینچے بغیر جھٹکے پڑھتے ہیں۔

سوال: الف ہمیشہ کیا ہوتاہے؟

جواب: الف ہمیشہ خالی ہوتاہے۔

سوال: جس الف میں کوئی حرکت ہواس الف کو کیا پڑھتے ہیں؟

جواب: جس الف میں کوئی حرکت ہو اس الف کو ہمزہ پڑھتے ہیں۔

تنوین

سوال : دو زبر ،دوزیریادو پیش کو کیا کہتے ہیں؟

 جواب دو زبر دو زیر دو پیش کو تنوین کہتے ہیں۔تنوین کے ساتھ غنہ کرتے ہیں۔

سوال:غُنہ کسے کہتے ہیں؟

جواب: آواز ناک میں  لے جانے کو غنہ  کہتے ہیں۔

سوال: غُنہ کی مقدار کتنی ہوتی ہے؟

جواب :غنہ کی مقدار ایک الف کے برابر ہوتی ہے۔

سوال: دوزبر میں الف اور یا کوکیا کرتے ہیں؟

جواب: دوزبر کی تنوین میں الف اور ی کوچھوڑ دیتے ہیں ۔

کھڑی حرکات

سوال: کھڑا زبر کھڑی زیر الٹا پیش کو کیا کہتےہیں؟

 جواب: کھڑا زبر کھڑی زیر الٹا پیش کو کھڑی حرکات کہتے ہیں۔

سوال:کھڑی حرکات( کھڑا زبر کھڑی زیر الٹا پیش) کو کس طرح پڑھتے ہیں ؟

 جواب: کھڑی حرکات( کھڑا زبر کھڑی زیر الٹا پیش) کو ایک الف کی مقدار کھینچ کر پڑھتے ہیں ۔

جزم د

 سوال: جزم کیسی ہوتی ہے؟

جواب: جزم  مڑی ہوئی ہوتی ہے اور دال کی شکل کی ہوتی ہے۔

سوال :جزم والے حرف کوکس طرح پڑھتے ہیں؟

جواب: جزم والے حرف پہلے والے حرف سے ملا کر پڑھتے ہیں۔

سوال: جزم والا حرف کتنی مرتبہ پڑھاجاتا ہے؟

 جواب: پچھلے حرف سے مل کر صرف ایک مرتبہ پڑھاجاتا ہے۔

 سوال جزم والے حرف کو کیا کہتے ہیں؟

جواب: جزم والے حرف کو ساکن کہتے ہیں۔

مد

سوال: مد کے کیا معنی ہیں؟

جواب:کھینچنا،لمبا کرنا،دراز کرنا ۔

سوال: حروف مدہ کتنے ہیں اور کون کون سے ہیں؟

جواب: حروف مدہ تین ہیں۔ (و ۔ ا ۔ ی)

سوال : الف مدہ کب ہوتا ہے؟

جواب اگر الف سے پہلے والے حرف پر زبر ہو الف مدہ ہوتا ہے اوراسے ایک الف کے برابر کھینچ کر پڑھے جاتے ہیں۔

سوال : واو مدہ کب ہوتا ہے؟

جواب :واو ساکن سے سے پہلے والے حرف پر پیش ہو واو مدہ ہوتا ہے ۔

سوال : یاء  مدہ کب ہوتا ہے؟

جواب :اگر یاء  ساکن سے پہلے والے حرف پر زیر ہو یاء مدہ ہوتا ہے ۔

سوال: مد عوض کسے کہتے ہیں؟

جواب:  اگرکسی کلمہ کے آخری حرف پرتنوین مفتوح ہو، یعنی اس پردوزبرہوں،اس کلمہ پرجب وقف کیاجائیگاتو یہ تنوین مفتوح (یعنی دوزبر) الف میں تبدیل ہوجائیگی۔مثلاً کلمہ ’’رَحِیْماً ‘‘کے آخری حرف ’’میم‘‘ پر تنوین مفتوح( دوزبر)ہیں ، یہ لکھنے میں تومیم ہے مگرادائیگی تلفظ میں’’نون‘‘ ہے ، یعنی اس کاتلفظ یوں کیاجاتاہے’’ رَحِیْمَنْ ‘‘ لہٰذا اس تنوین (یعنی دوزبر) کووقف کے وقت الف میں تبدیل کردیاجائیگا اوریہ ’’ رَحِیْمَا‘‘ ہوجائیگا، یعنی تنوین کوختم کرکے اس کی جگہ (اس کے عوض) الف آگیا،اس لئے اسے ’’مدّ عوض‘‘ کانام دیاگیا،اورمیم کے بعدچونکہ اب یہ الف آگیاہے اس لئے میم کوقدرے کھینچ کرپڑھاجائیگا یعنی:(رَحِیْمَا) اسی چیزکانام ’’مدّ عوض‘‘ ہے۔

سوال: حروف لین کتنے ہیں؟

جواب: حروف لین دو ہیں۔ یا اور واو ساکنہ سے پہلے زبر ہو تو یہ حروف لین کہلا تے ہیں۔ ان کے ادا کرتے وقت کھینچنے اور مجہول پڑھنے سے بچا یا جائے چونکہ یہ حروف نرمی سے ادا ہوتے ہیں۔ اس لیے لین کہلاتے ہیں۔

تشدید

سوال :تین دندانے والے کو کیا کہتے ہیں؟

جواب:ڈبلیو کی طرح تین دندانے والی شکل کو تشدید کہتے ہیں۔

سوال: تشدید والے حرف کو کتنی بار پڑھتے ہیں؟

 جواب: تشدید والے حرف کو دوبار پڑھتے ہیں ۔ پہلی مرتبہ پہلے حرف سے ملا کر اور دوسری مرتبہ خود سے۔ 

 سوال: تشدید والےحرف کو کیا کہتے ہیں؟

جواب :تشدید والےحرف کو مشدد کہتے ہیں۔

 سوال: تشدید والے حرف کو کس طرح پڑھتے ہیں؟

 جواب: تشدید والے حرف  کو سختی کے ساتھ ذرا رک کر پڑھتے ہیں۔

متفرق مسائل

سوال :حروف قلقلہ کتنے ہو تے ہیں؟

جواب: حروف قلقلہ پانچ ہو تے ہیں۔ (ق ۔ ط ۔ ب ۔ ج ۔ د) ان حروف کو (قطب جد) بھی کہتے ہیں۔ اور ان کو وضاحت سے پڑھتے ہیں۔ 

سوال :حروف قلقلہ میں قلقلہ کب ہوتاہے؟

جواب: حروف قلقلہ جب ساکن ہوتے ہیں تو ان میں قلقلہ ہوتاہے۔

 سوال: حروف حلقی کتنے ہیں؟

جواب: حروف حلقی چھ ہیں۔ (ء ۔ ھ ۔ ع ۔ ح ۔ غ ۔ خ)ان سے پہلے غنہ نہیں ہوتا۔ ان کو حروف اظہار بھی کہتے ہیں۔

سوال: حروف یرملون کتنے ہیں؟

جواب: حروف یرملون چھ ہیں۔ (ی ۔ ر ۔ م ۔ ل ۔ و ۔ ن

ن ساکن یا تنوین کے بعد ان میں سے (ی ۔ ن ۔ م ۔ و)  میں ادغام بغنہ ہوگا ۔ اور (ر ۔ ل)   میں غنہ نہیں ہوگا۔

 سوال: حروف اقلاب کتنے ہیں؟

 جواب: حروف اقلاب ایک ہے ۔ (با)

سوال: نون ساکن اور تنوین کب غنہ ہو تے ہیں؟

جواب: جب ان کے بعد کوئ حروف حلقی نہ ہو۔

 سوال: حروف یرملون سے پہلے کن حروف کا ادغام بغنہ ضروری ہے؟
جواب: اگر نون ساکن و تنوین کے بعد اگلے کلمہ میں حروف یرملون میں سے کوئ حرف ہو توان چار حروف میں غنہ کے ساتھ ادغام ہوگا۔ اور (ر ۔ ل) بالکل غنہ نہیں ہوں گے۔

 سوال: تشدید والے حرف سے پہلے کس حرف کو چھوڑدیتے ہیں؟
 جواب: تشدید والے حرف سے پہلے جزم والے حرف کواکثر چھوڑدیتے ہیں۔ جیسے (من ر بک)

 سوال: (ن) قطنی کسے کہتے ہیں؟

 جواب: اس نون کو نون قطنی کہتے ہیں جو دو حروف اور دو آیات کو آپس میں ملاتا ہے۔

 سوال: حروف اقلاب سے پہلے کون سے حروف میم مثمم بن جاتے ہیں؟

جواب:حرف باء سے پہلے نون ساکن یا تنوین ہو تو یہ دونوں حروف میم بن جاتے ہیں۔

  سوال: میم سا کن کے بعد وہ کون سے دو حروف ہیں۔ جن کی وجہ سے میم ساکن بھی غنہ ہو گی؟

 جواب :(م( ساکن کے بعد)ب ۔ یا ۔ م ہو گی تو (م) ساکن بھی غنہ ہو گی۔

 سوال: لفظ اَللہ کا (ل) کب موٹا اور کب باریک ہو گا؟

 جواب: اگر لفظ اَللہ کے (ل) سے پہلے زیر ہو تو (ل)یعنی اَللہ باریک ہو گا۔ جیسے (اِللہ) اور اگر (ل) سے پہلے زبر یا پیش ہو تو (ل)یعنی (اَللہ) یا (اُللہ) موٹا پڑھا جائےگا۔

 سوال:وہ کون سے حروف ہیں جن کی ادائیگی میں سیٹی کی آواز نکلتی ہے؟

جواب: وہ یہ تین حروف ہیں (ز۔س۔ص)

سوال:کن حروف کی ادائیگی نرمی سے کی جاتی ہے؟

جواب : تین حروف کی ۔ث۔ذ۔ظ

سوال : وہ کون سے آٹھ حروف ہیں۔ جو موٹے پڑھے جاتے ہیں؟
جواب :(خ – ر – ص – ض – ط – ظ – غ – ق) خص ضغط قظ

سوال: قرآن میں وہ کون سے تین حروف ہیں۔ جو کبھی موٹے اور کبھی پتلے پڑھے جاتے ہیں؟

 جواب: (ر – ا – ل)

 سوال: را کتنی صورتوں میں موٹا اور کتنی صورتوں میں باریک پڑھاجاتا ہے؟

جواب: را کے احوال درج ذیل ہیں:

1۔ را زبر و پیش والی پُر ہوگی۔

2۔ را زیر والی باریک ہوگی۔

3۔ را ساکن سے پہلے زبر یا پیش ہو تو وہ پُر ہوگی۔

4۔ را ساکن سے پہلے زیر ہو تو وہ باریک ہوگی۔

5۔ راساکن سے پہلا حرف ساکن ہو اور اس سے پہلے زبر یا پیش ہو تو را پُر ہوگی۔

6۔را ساکن اوراس سے پہلے بھی ساکن ہو اور اس سے پہلے زیر ہو را باریک ہوگی۔

7۔ ایک ہی کلمہ میں را ساکن سے پہلے زیر ہو اور بعد میں حرف مستعلیہ ہو تو را پُر ہوگی ۔

سوال: قرآن پاک میں وہ کونسے چار کلمات ہیں۔ جن کا غنہ بلکل جائز نہیں؟

 جواب: (دُنْيَا ۔ قِنْوَانٌ ۔ صِنْوَانٌ ۔ بُنْيَانٌ)

وقف:

سوال: وقف کیسے اور کس طرح کرتے ہیں؟

 جواب: جب کسی جملے پر وقف کرنا ہو۔ تو سب سے آخری حرف اگر ساکن نہ ہو تو ساکن کر دیں۔ آواز اور سانس دونوں کو ختم کردیں۔ گول ة پر جب وقف کریں گے تو وہاں گول  ہا(ہ)  پڑھی جائے گی۔ زبرکی تنوین پر جب وقف ہو گا تو وہاں الف پڑھاجائےگا۔ بشرط  یہ کہ ة گول نہ ہو۔

  سوال: سکتہ کسے کہتے ہیں؟

 جواب: سکتہ والے کلمات میں سانس جاری رہے۔ اور آواز بند ہو جا‎ئے۔ اس کو سکتہ کہتے ہیں۔

سوال: وقف اور سکتہ میں کیا  فرق ہے؟

جواب: سکتہ:  سانس کو توڑے بغیر صرف آواز کو روک کر ٹھہرنا۔ جیسے كَلَّا بَلْ ۜ رَانَ عَلٰى قُلُوْبِـهِـمْ مَّا كَانُـوْا يَكْسِبُوْن (سورۃ المطففین – 14 )

جب کہ وقف کے لغوی معنی: "رکنا، ٹھہرنا" ہیں۔ اوراصطلاحی اعتبار سے: سانس اور آواز کو روک کر ٹھہرنا۔

سوال: وقف کی کتنی اقسام ہیں؟

اقسام: وقف کی پانچ اقسام ہیں۔

1۔  وقف بالسکون۔                                                    2۔ وقف بالاسکان۔                                                   3۔  وقف بالابدال۔                   

4۔ وقف بالاشمام۔                                                      5۔ وقف بالروم۔

سوال: وقف بالسکون کسےکہتے ہیں؟

1۔  وقف بالسکون: کلمے کا آخری حرف پہلے سے ساکن ہو تو وہاں پرسانس اور آواز کو روک کر ٹھہرنا۔

مثالیں: فَاعْتَـرَفُوْا بِذَنْبِهِـمْ ، كَفَرُوْا ،  مَآؤُكُمْ۔

وقف بالاسکان سے کیا مراد ہے؟

2۔ وقف بالاسکان: کلمے کا آخری حرف متحرک ہو تو اسے ساکن کر کے وہاں پرسانس اور آواز کو روک کر ٹھہرنا۔ وقف بالاسکان"  فتحہ، کسرہ، ضمہ، کسرتین اور ضمتین "پر ہوتا ہے۔

مثالیں: مِنْ تَفَاوُتٍ کو  مِنْ تَفَاوُتْ،  وَّهُوَ حَسِيْرٌ کو وَّهُوَ حَسِيْرْ۔ رُجُوْمًا لِّلشَّيَاطِيْنِ کو رُجُوْمًا لِّلشَّيَاطِيْنْ۔

وقف بالابدال کیا ہے اور اس کی کتنی صورتیں ہیں؟

3۔  وقف بالابدال: وقف بالابدال کی دو صورتیں ہیں۔

١۔  کلمے کے آخری حرف پر "تائے مدورہ"( ۃ ) ہو تو اسے ہائے ساکنہ  ( ہ  )سے بدل کے وہاں پرسانس اور آواز کو روک کر ٹھہرنا۔

مثالیں:  وَالْاَفْئِدَةَ کو  وَالْاَفْئِدَہْ ، زُلْفَةً کو زُلْفَہْ۔

٢۔   کلمے کے آخری حرف پر" فتحتین "( دو زبر)  ہوں تو اسے ایک الف سے بدل کر وہاں پرسانس اور آواز کو روک کر ٹھہرنا۔

مثالیں:  عَمَلًا کو عَمَلَا  ، طِبَاقًا کو طِبَاقَا۔

وقف بالاشمام کی وضاحت کریں؟

4۔ وقف بالاشمام: کلمے کے آخری حرف پر "ضمہ  یا  ضمتین" ہوں تو  اس حرف کو ساکن کر کے  ہونٹوں سے ضمہ کی طرف اشارہ کرنا۔

مثالیں:  بَصِيْرٌ، تَمُوْرُ۔

وقف بالروم کیا اوراسے کس طرح ادا کیا جاتاہے؟

5۔ وقف بالروم: کلمے کے آخری حرف پر اگر"  کسرہ  یا  ضمہ " ہو تو وقف کرتے ہوئے اسے آہستہ آواز سے پڑھنا کہ صرف قریب والا سن سکے۔

مثالیں:  بِمَآءٍ مَّعِيْنٍ، نَذِيْرٌ مُّبِيْنٌ ۔

 سوال: قرآن پاک میں وہ کونسی ایک را ہے جو تمام دوسری را سے مختلف پڑھی جاتی ہے؟

 جواب: امالہ کی ر ایسی پڑھی جائے جیسے قطرے کی ر (مجرھا)

سوال : وصل اور فصل کی کتنی صورتیں ہیں اورکون سی جائز اورناجائز ہیں؟

جواب: وصل اور فصل کی چار صورتیں ہیں:

1۔ فصل کل

2۔وصل کل

3۔ فصل اول وصل ثانی

4۔ وصل اول فصل ثانی(یہ ناجائز ہے)

نوٹ:

تحسین صوت:

تجوید کے اصول و قوانین کی غایت ملحوظ رہے اور کلمات قرآ نیہ  اور حروف  کی ادائیگی میں اس تحسین صوت سے خلل نہ پیدا ہو۔ نیز حسن صوت کی وجہ سے لحن جلی وخفی کا مرتکب نہ ہو.

مخارج:

کے لئے  پانچ چیزوں کی رعایت نہایت ہی ضروری ہے۔

·         احکام حروف  مع کیفیت اداء

·         صفات لازمہ

·         صفات عارضہ

·         وقف کہاں کرے

·         سانس ٹوٹنے پر وقف

الف ہمیشہ ساکن حرف  مر ققہ ہو  تو الف  بھی مر  ققہ ہو گا

جیسے کا نوا     عاد 

سوال ۔  الف  سے  پہلے  والا حرف مفخمہ  یا مفخمہ حروف کتنے  ہو سکتے  ہیں ؟

جواب۔   سات  حروف مستعلیہ ہیں:

خ۔ ص۔ض۔ غ۔ ط۔  ق۔ ظ

جنکا مجمو عہ  ہے

خص   ضغط قظ

یہ ہمیشہ مفتوح ہو تے  ہیں ۔

سواۓ  دو  حروف

ل   ر 

جن میں تفخیم عار ضی طور پر ہو تی ہے  اور  یہ ہمیشہ 

مفتو ح  ہو تے  ہیں اور خلاصہ یہ کہ مفخمہ حروف دس  ہیں

سات حروف مستعلیہ جنکی تفخیم صفت لازمہ ہے اور تین حروف ا   ل   ر   جنکی تفخیم عارضی  ہے مگر الف سے پہلے آسکتے ہیں مگر الف ان  سے پہلے  نہیں  آسکتا ان دس حرفو ں میں  سے  نو  ہی الف  سے  پہلے  آسکتے  ہیں

قواعد قرآن مجید

1.	منفردات	یعنی الگ الگ حرف مثلاً الف، ب۔۔۔۔۔۔
2.	مرکبات	یعنی ملے جلے حرف مثلاً  لا، با، تا  ۔۔۔۔۔۔
3.	مقطعات	وہ حرف جن کے معنی صرف اللہ تعالیٰ کو معلوم ہیں مثلاً  المّ ۔۔۔۔۔۔
4.	حرکات	زبر، زیر، پیش کو حرکت کہتے ہیں اس کو جھٹکا نہیں دیتے اور نہ ہی کھینچ کر پڑھتے ہیں۔
5.	ہمزہ  ﴿ء﴾	جس الف پر حرکت ہو وہ ﴿ء﴾ کہلاتا ہے اس کو جھٹکا دے کر پڑھتے ہیں مثلاً اَ، اِ، اُ،    یٲکل ۔۔۔۔۔۔
6.	تنوین	دو زبر   ً،   دو زبر      ٍ، دو پیش  ٌ کو تنوین کہتے ہیں، تنوین کو غنّہ کر کے پڑھتے ہیں۔ غنّہ  ناک میں آواز چھپانے کا نام ہے، مثلاً   ماً، بٍ،  بٌ،
7.	حرف مدّہ	حروف مدّہ  ١۔الف مدّہ،  ۲۔ واو مدّہ، ۳۔ ی مدّہ ﴿تا، تو، تی﴾ الف سے پہلے زبر ہو تو الف مدّہ، واو سے پہلےپیش ہو تو وہ واو مدّہ اور ی سے پہلے زیر ہو تو وہ ی مدّہ کہلاتا ہے، ان کو ایک الف کی مقدار کھینچ کر پڑھتے ہیں۔ مثلاً بَا، بُو، بِی
8.	کھڑا	زبر، زیر، اُلٹا پیش ۔ ان کو ایک الف کی مقدار کھینچ کر پڑھتے ہیں۔
9.	حروفِ حلقی	ء، ہ، ع، ح، غ، خ۔ یہ حروف جن الفاظ میں ہوں وہ لفظ غنّہ نہیں ہوتا۔ اگر غنّہ کریں گے تو گناہ ہوگا، مثلاً  اَبَدًا، ھُمَزَةٍ، ھُدًی
10.	گول   ة	گول  ة  آخر وقف کی صورت میں ہ میں بدل جاتی ہے۔مثلاً ھُمَزَةٍ، بَرَزَةٍ
11.	حرفِ لین	حرفِ لین دو ہیں ١۔ واو لین، ۲۔ ی لین۔ ان حروف کو نرمی سے پڑھتے ہیں۔ مثلاً بَو، بَی۔
12.		حرفِ مدّہ کے بعد اکرہمزہ ہو تو الف کے برابر کھینچ کر پڑھا جائے گا۔
13.		ر ۔  کے اوپر اگر زبر ہو تو   ر کو موٹا پڑھا جائے گا اور اگر   ر  کےنیچے زیر ہو تو باریک پڑھتے ہیں۔
14.	جزم	دال ﴿د﴾ نما مڑی ہوئی شکل کو جزم کہتے ہیں۔ جزم والے حرف کو ساکن کہتے ہیں۔ جزم والا حرف صرف ایک مرتبہ اپنے پہلے والے حرف سے ملا کر پڑھا جاتا ہے۔ مثلاً اَبْ، اِبْ، اُبْ۔
15.	تشدید	تین دندانے والے حرف کو تشدید کہتے ہیں، تشدید والے حرف کو مشدّد کہتے ہیں۔ تشدید والا حرف دو مرتبہ پڑھا جاتا ہے، ایک مرتبہ ساتھ والے حرف سے ملا کر اور دوسری مرتبہ خود۔ اس کو سختی کے ساتھ اور ذرا  رُک کر پڑھتے  ہیں مثلاً اَبّ، اِبّ۔
16.	ن، م مشدّد	ن مشدّد اور م مشدّد ہمیشہ غنہ ہوتے ہیں چاہے ان کے آگے حرف حلقہ ہوں یا نہ ہوں۔ تشدید سے پہلے جزم والے حرف کونہیں پڑھتے مثلاً  مِنْ  رَّبِّکَ ۔   ب   سے پہلے ن ساکن ہو یا تنوین ہو تو یہ دونوں  م  بن جاتے ہیں۔ م   ساکن کے بعد  ب  یا  م  ہو تو ساکن بھی غنّہ ہوگا۔