نماز فجر کی پابندی اور اس کے فوائد و ثمرات

نماز فجر کی پابندی اور اس کے فوائد و ثمرات

علامہ عبدالرحمن ثانی

 

‎نمازفجر اور وقت فجر میں الله عزوجل نے بہت ہی زبردست خیر و برکت رکھی ہے  وہ شخص بڑا ہی بدنصیب ہوگا جو ان فوائد و ثمرات کو پڑھنے یا سننے کے بعد بھی نماز فجر  کا اہتمام نہیں کرتا۔۔۔!!!

‎نماز کے عمومی فوائد و فضائل بہت کثرت سے قرآن و سنت میں موجود ہیں۔ لیکن یہ خاص طور پر نماز فجر کے بارہ میں جمع کیے گئے ہیں۔۔

 پہلا فائدہ:

‎تاریکیوں میں مسجد جانے والوں کو بروز قیامت مکمل نور حاصل ہوگا۔

‎ رسول الله ﷺ نے فرمایا : ( بَشِّرْ الْمَشَّائِينَ فِي الظُّلَمِ إِلَى الْمَسَاجِدِ بِالنُّورِ التَّامِّ يَوْمَ الْقِيَامَةِ)‎  أبو داود (561)

‎ترجمہ:‎تاریکیوں میں پیدل چل کر مسجد جانے والوں کو قیامت کے دن مکمل نور کی بشارت دے دو۔

٭٭٭٭٭٭٭٭٭٭٭٭٭٭

 دوسرا فائدہ:

‎نماز فجر پڑھنے والوں کے لیے جنت کی ضمانت

‎رسول اللہ ﷺ نے فرمایا ۔۔۔

‎    مَنْ صَلَّى الْبَرْدَيْنِ دَخَلَ الْجَنَّةَ(‎بخاری ۔۔574)

‎جس نے دو ٹھنڈی نمازوں کا اہتمام کیا (فجر اور عصرکا ) وہ جنت میں داخل ہوگا

٭٭٭٭٭٭٭٭٭٭٭٭٭٭

‎ تیسرا فائدہ:

‎جہنم سے نجات۔

‎رسول الله ﷺ فرمایا:

‎لَنْ يلجَ النَّار أَحدٌ صلَّى قبْلَ طُلوعِ الشَّمْس وَقَبْل غُرُوبَها يعْني الفجْرَ، والعصْرَ.(صحيح مسلم ٦٣٤)

‎ترجمہ:‎وہ شخص ہرگز جہنم میں نہیں جائے گا جو طلوع آفتاب سے پہلے اور غروب آفتاب سے پہلے نماز پڑھے یعنی فجر اور عصر کی نماز۔

٭٭٭٭٭٭٭٭٭٭٭٭٭٭

 چوتھا فائدہ:

‎نماز فجر پڑھنے سے الله تعالی کی سپرداری میں آنا۔

‎رسول الله ﷺ فرمایا : ( مَن صَلَّى الصُّبحَ فَهُوَ فِي ذِمَّةِ اللَّهِ(صحيح مسلم 657)

‎ترجمہ:‎جو صبح کی نماز ادا کرلے تو وہ اللہ کے حفظ و امان میں آجاتا ہے۔

٭٭٭٭٭٭٭٭٭٭٭٭٭٭

 پانچواں فائدہ:

‎مکمل حج اور عمرے کا ثواب

‎پیارے رسول ﷺ فرماتے ہیں:

‎مَنْ صَلَّى الْغَدَاةَ فِي جَمَاعَةٍ ثُمَّ قَعَدَ يَذْكُرُ اللَّهَ حَتَّى تَطْلُعَ الشَّمْسُ ثُمَّ صَلَّى رَكْعَتَيْنِ كَانَتْ لَهُ كَأَجْرِ حَجَّةٍ وَعُمْرَةٍ , تَامَّةٍ تَامَّةٍ تَامَّةٍ )(ترمذي :586).

‎ترجمہ:‎جو شخص فجر کی نماز باجماعت ادا کرنے کے بعد طلوع آفتاب تک بیٹھ کر اللہ کا ذکر و اذکار کرتا رہے پھر دو رکعت نماز ادا کرے تو اسے پورا پورا پورا حج اور عمرے کا ثواب اب حاصل ہوگا۔

٭٭٭٭٭٭٭٭٭٭٭٭٭٭

 چھٹا فائدہ :

‎پوری رات تہجد کا ثواب

‎رسول ﷺ ارشاد فرمایا:

مَنْ صَلَّى الْعِشَاءَ فِي جَمَاعَةٍ فَكَأَنَّمَا قَامَ نِصْفَ اللَّيْلِ، وَمَنْ صَلَّى الصُّبْحَ فِي جَمَاعَةٍ فَكَأَنَّمَا صَلَّى اللَّيْلَ كُلَّهُ(مسلم 656)

‎جس نے عشاء کی نماز باجماعت ادا کی تو گویا اس نے آدھی رات قیام کیا اور جس نے صبح کی نماز باجماعت ادا کی تو گویا اس نے پوری رات کا قیام کیا۔.

٭٭٭٭٭٭٭٭٭٭٭٭٭٭

 ساتواں فائدہ:

‎اللہ تعالی کا دیدار۔

‎جریر بن عبداللہ رضی اللہ عنہ فرماتے ہیں:

‎ہم نبی کریم ﷺ کی خدمت میں حاضر تھے

‎ آپ ﷺ نے چاند کی طرف نظر اٹھائی جو چودھویں رات کا تھا۔ پھر فرمایا کہ

   أَمَا إِنَّكُمْ سَتَرَوْنَ رَبَّكُمْ كَمَا تَرَوْنَ هَذَا ، لَا تُضَامُّونَ فِي رُؤْيَتِهِ ، فَإِنِ اسْتَطَعْتُمْ أَنْ لَا تُغْلَبُوا عَلَى صَلَاةٍ قَبْلَ طُلُوعِ الشَّمْسِ وَقَبْلَ غُرُوبِهَا فَافْعَلُوا(بخاري 573 ..مسلم 182)

‎ تم لوگ اپنے رب کو اسی طرح دیکھو گے جیسے اس چاند کو دیکھ رہے ہو  اسے دیکھنے میں تم کو کسی قسم کی بھی مزاحمت نہ ہو گی . اس لیے اگر تم سے سورج کے طلوع اور غروب سے پہلے ( فجر اور عصر ) کی نمازوں کے پڑھنے میں کوتاہی نہ ہو سکے تو ایسا ضرور کرو۔

٭٭٭٭٭٭٭٭٭٭٭٭٭٭

 آٹھواں فائدہ:

‎فجر کی سنت موکدہ دنیا ومافیہا سے افضل اور بہتر ہے،

(تو پھر فجر کی فرض نماز کی کیا فضیلت ہوگی)

‎ رسول الله ﷺ فرمایا : ( رَكْعَتَا الْفَجْرِ خَيْرٌ مِنْ الدُّنْيَا وَمَا فِيهَا )‎ رواه مسلم (725)

‎ترجمہ:‎فجر کی دو رکعتیں (یعنی سنت ) دنیا اور جو کچھ اس دنیا میں ہے اس سے بہتر ہیں۔

٭٭٭٭٭٭٭٭٭٭٭٭٭٭

 نواں فائدہ :

‎اجر اتنا عظیم کہ اگر لوگوں کو اس کے ثواب کاصحیح پتہ چل جائے تو لوگ رینگ کر بھی اس کے لیےضرور حاضر ہوں

‎رسول اللہ ﷺ نے ارشاد فرمایا۔۔عشاء اور فجر میں جو کچھ (اجروثواب) ہے...

‎  لَوْ يَعْلَمُونَ مَا فِي الْعَتَمَةِ وَالصُّبْحِ لَأَتَوْهُمَا وَلَوْ حَبْوًا ،(‎بخاری 721)

‎  اگر انہیں اس کا علم ہو جائے تو وہ ان دونوں (نمازوں)میں ہاتھوں اور گھٹنوں یا سرین پر گھسٹے ہوئےبھی پہنچیں۔ ۔۔

٭٭٭٭٭٭٭٭٭٭٭٭٭٭

 دسواں فائدہ :

‎نماز کے لیے اولین جانے والے کے لیے علم بردار فرشتے کی رفاقت

‎سیدنا میثم رضی الله عنه فرماتے ہیں ۔۔

‎مجھے یہ بات پہنچی ہے..۔۔

‎بے شک فرشتہ  اپنا علم اٹھائے سب سے پہلے مسجد جانے والے کے ساتھ جاتا ہے اور اس کے واپس گھر داخل ہونے تک اس کے ہمراہ رہتا ہے۔۔۔۔۔(‎الترغیب والترھیب 13)

٭٭٭٭٭٭٭٭٭٭٭٭٭٭

 گیارہواں فائدہ :

‎رات اور دن کے فرشتوں کا نماز فجر کے وقت جمع ہونا ۔۔۔۔

‎رسول اللہ ﷺ نے ارشاد فرمایا ۔۔۔

‎   تَجْتَمِعُ مَلَائِكَةُ اللَّيْلِ وَمَلَائِكَةُ النَّهَارِ فِي صَلَاةِ الْفَجْرِ ۔۔۔(‎بخاری648)

‎رات کے فرشتے اور دن کے فرشتے نماز فجر میں اکٹھے ہوتے ہیں ۔۔

٭٭٭٭٭٭٭٭٭٭٭٭٭٭

 بارہواں فائدہ :

‎باجماعت نماز فجر اور عصر پڑھنے والوں کے لئے فرشتوں کی گواہی اور شفاعت

‎رسول اللہ ﷺ نے ارشاد فرمایا ۔۔۔۔

‎يَتَعَاقَبُونَ فِيكُمْ مَلَائِكَةٌ بِاللَّيْلِ، وَمَلَائِكَةٌ بِالنَّهَارِ، وَيَجْتَمِعُونَ فِي صَلَاةِ الْفَجْرِ، وَصَلَاةِ الْعَصْرِ، ثُمَّ يَعْرُجُ الَّذِينَ بَاتُوا فِيكُمْ، فَيَسْأَلُهُمْ رَبُّهُمْ وَهُوَ أَعْلَمُ بِهِمْ: كَيْفَ تَرَكْتُمْ عِبَادِي؟ فَيَقُولُونَ: تَرَكْنَاهُمْ وَهُمْ يُصَلُّونَ، وَأَتَيْنَاهُمْ وَهُمْ يُصَلُّونَ

‎فاغفرلھم یوم الدین۔۔۔

(‎مسلم632 ....ابن خزیمہ322...)

‎رات کے فرشتے اور دن کے فرشتے ایک دوسرے کے پیچھے تمھارے درمیان آتے ہیں اور فجر کی نماز اور عصرکی نماز کے وقت وہ اکٹھے ہو جاتے ہیں، پھر جنھوں نے تمھارے درمیان رات گزاری ہوتی ہے وہ اوپر چلے جاتے ہیں, ان سے ان کا رب پوچھتا ہے, حالانکہ وہ ان سے زیادہ جانتا ہے: تم میرے بندوں کو کس حال میں چھوڑ کر آئے ہو ؟ وہ جواب دیتے ہیں : ہم انھیں ( اس حالت میں ) چھوڑ کر آئے ہیں کہ وہ نماز پڑھ رہے تھے اور ہم ان کے پاس ( کل عصر کے وقت ) اس حالت میں پہنچے تھے کہ وہ نماز پڑھ رہے تھے.

‎ابن خزیمہ میں ہے ۔۔فرشتے سفارش کرتے ہیں۔

(الله عزوجل) آپ انہیں روز قیامت معاف فرما دیجئے گا ۔۔۔

٭٭٭٭٭٭٭٭٭٭٭٭٭٭

 تیرہواں فائدہ:

‎فرشتوں کی دعا۔

‎پیارے رسول ﷺ فرماتے ہیں:

‎ جو شخص نماز فجر پڑھنے کے بعد اپنی جائے نماز پر بیٹھا رہے تو فرشتے اس کے لئے دعا کرتے ہیں اور فرشتوں کی دعا یہ ہوتی ہے: اے اللہ! اس بندے کی مغفرت فرما. اے اللہ! اس بندے  پر رحم فرما۔(مسند أحمد 1251)

٭٭٭٭٭٭٭٭٭٭٭٭٭٭

 چودہواں فائدہ

‎نماز فجر میں فرشتے حاضر ہوتے ہیں۔

‎ارشاد باری تعالیٰ ہے:

(أَقِمِ الصَّلَاةَ لِدُلُوكِ الشَّمْسِ إِلَىٰ غَسَقِ اللَّيْلِ وَقُرْآنَ الْفَجْرِ ۖ إِنَّ قُرْآنَ الْفَجْرِ كَانَ مَشْهُودًا (78) (سورة الإسراء : 78)

‎ترجمہ:‎نماز کو قائم کریں آفتاب کے ڈھلنے سے لے کر رات کی تاریکی تک  اور فجر کا قرآن پڑھنا بھی یقیناً فجر کے وقت کا قرآن پڑھنا حاضر کیا گیا ہے.