حج ، اقسام، فرائض، واجبات، مفسدات

تمہید

حج اسلام کا عظیم رکن اور ایک جامع عبادت ہے جس میں:

مالی عبادت،بدنی عبادت،روحانی تربیت،اطاعت و بندگی، امتِ مسلمہ کی وحدت سب جمع ہوجاتے ہیں۔

یہ عبادت حضرت ابراہیم علیہ السلام، حضرت اسماعیل علیہ السلام اور حضرت ہاجرہ رضی اللہ عنہا کی یاد تازہ کرتی ہے اور بندے کو اللہ تعالیٰ کی کامل اطاعت سکھاتی ہے۔

حج کی فرضیت اللہ تعالیٰ فرماتے ہیں:

“اور اللہ کے لیے لوگوں پر اس گھر کا حج کرنا فرض ہے جو اس تک پہنچنے کی استطاعت رکھتا ہو۔”(آل عمران: 97)

رسول اللہ ﷺ نے فرمایا:“اسلام کی بنیاد پانچ چیزوں پر ہے…”ان میں حج کا بھی ذکر فرمایا۔

حج کب فرض ہوتا ہے؟

فقہ حنفی کے مطابق جب یہ شرائط پائی جائیں تو حج فرض ہوجاتا ہے:

1.            مسلمان ہونا کافر پر حج فرض نہیں۔                                2.بالغ ہونا بچے کا حج نفلی ہوگا۔

3.            عاقل ہونا مجنون پر فرض نہیں۔                  4. آزاد ہونا غلام پر فرض نہیں۔

5.            استطاعت ہونا استطاعت میں شامل ہے:آنے جانے کا خرچ،اہلِ خانہ کا خرچ،رہائش و سواری،راستے کا امن،جسمانی طاقت

6.            عورت کے لیے محرم فقہ حنفی میں عورت کے لیے شوہر یا محرم ضروری ہے۔

نوٹ:       حج فوراً ادا کرنا ضروری ہے۔جب حج فرض ہوجائے تو بلا عذر تاخیر کرنا گناہ ہے۔

حج کی اقسام

1.            حجِ اِفراد صرف حج کا احرام۔                        2.            حجِ تمتع پہلے عمرہ، پھر احرام کھول کر دوبارہ حج کا احرام۔یہ آج کل سب سے زیادہ کیا جاتا ہے۔

3.            حجِ قران ایک احرام میں عمرہ اور حج دونوں۔ 

حج کے فرائض

فقہ حنفی میں تین فرائض ہیں:

(1) احرام               احرام کیا ہے؟حج یا عمرہ کی نیت کے ساتھ کچھ حلال چیزوں کو اپنے اوپر حرام کرلینا احرام کہلاتا ہے دو سفید چادریں تو علامت ہیں

احرام باندھنے کا طریقہ

بال اورناخن کاٹیں، جسمانی صفائی کریں،غسل کریں،احرام باندھنے سے پہلے خوشبو لگائیں۔

مرد:دو سفید چادریں،سلا ہوا کپڑا منع            عورت:،عام سادہ لباس،چہرہ کھلا رہے

احرام کی نیت:دو رکعت نفل پڑھ کر نیت کریں:“اَللّٰهُمَّ إِنِّي أُرِيدُ الْحَجَّ فَيَسِّرْهُ لِي وَتَقَبَّلْهُ مِنِّي”۔

تلبیہ:بلند آواز سے پڑھیں:

لَبَّيْكَ اللّٰهُمَّ لَبَّيْكَ لَبَّيْكَ لَا شَرِيكَ لَكَ لَبَّيْكَ إِنَّ الْحَمْدَ وَالنِّعْمَةَ لَكَ وَالْمُلْكَ لَا شَرِيكَ لَكَ مرد بلند آواز سے، عورت آہستہ پڑھے۔

احرام کی پابندیاں

مرد کے لیے:سلا ہوا کپڑا،سر ڈھانپنا۔           مرد و عورت دونوں کے لیے:خوشبو لگانا ،ناخن کاٹنا ، بال کاٹنا ، شکار،ازدواجی تعلق ، نکاح وغیرہ

(2) وقوفِ عرفہ:یہ حج کا سب سے بڑا رکن ہے۔          رسول اللہ ﷺ نے فرمایا:“الحج عرفۃ”

وقت:9 ذوالحجہ کو زوال کے بعد سے  غروب آفتاب  تک۔اگر ایک لمحہ بھی عرفات میں موجود رہا تو فرض ادا ہوگیا۔

وقوف کا طریقہ

قبلہ رخ کھڑے ہوں،ہاتھ اٹھا کر دعا کریں،استغفار کریں،درود شریف پڑھیں،تلبیہ پڑھیں،

عرفہ کی بہترین دعا:لَا إِلٰهَ إِلَّا اللّٰهُ وَحْدَهُ لَا شَرِيكَ لَهُ، لَهُ الْمُلْكُ وَلَهُ الْحَمْدُ وَهُوَ عَلَى كُلِّ شَيْءٍ قَدِيرٌ

(3) طوافِ زیارت:یہ بھی فرض ہے۔

وقت:10 ذوالحجہ کی صبح صادق کے بعد رمی جمرہ ، قربانی اور حلق کے بعد یا پھر 11، 12 ذوالحجہ کو کریں۔

طواف کا مکمل طریقہ

1. حجرِ اسود کے سامنے کھڑے ہوں             استلام کریں:بوسہ دیں یا ہاتھ لگائیں یا اشارہ کریں            2. سات چکر لگائیں کعبہ بائیں طرف رہے۔

مرد:پہلے تین چکروں میں:رمل اضطباع         3. رکنِ یمانی ممکن ہو تو ہاتھ لگائیں۔                             4. دعا ہر چکر میں دعا کرسکتے ہیں۔

مشہور دعا:رَبَّنَا آتِنَا فِي الدُّنْيَا حَسَنَةً وَفِي الْآخِرَةِ حَسَنَةً وَقِنَا عَذَابَ النَّارِ

5. دو رکعت نمازمقامِ ابراہیم کے قریب ادا کریں۔

سعی:حکم:واجب ہے۔

طریقہ:آغاز صفا سے۔قرآن کی آیت پڑھیں:إِنَّ الصَّفَا وَالْمَرْوَةَ مِن شَعَائِرِ اللَّهِ

سات چکر:صفا سے مروہ = ایک چکر،مروہ سے صفا = دوسرا۔             سبز نشانات مرد تیز چلیں۔

حلق یا قصر،حلق،پورا سر منڈوانا۔ قصر،چوتھائی سر کے بال کٹوانا۔حلق افضل ہے۔

حجِ تمتع کا مکمل عملی نقشہ

8 ذوالحجہ  حج کا پہلا دن — یوم الترویہ : کرنے کے کام : دبارہغسل کرنا،احرام باندھنا ،منیٰ روانگی،  منیٰ میں:پانچ نمازیں:

ظہر،عصر،مغرب،عشاء اور 9 ذوالحجہ کی فجر۔

9 ذوالحجہ — یوم عرفہ:عرفات روانگی ۔ظہر و عصر:اپنے اپنے وقت میں ۔ البتہ مسجد نمرہ میں امام کے پیچھے جمع کرنا جائز ہے

میدانِ عرفات:یہ حج کا سب سے اہم وقت ہے۔خوب توبہ ،دعا و استغفار کریں،قرآن مجید کی تلاوت اور کثرت سےدرود شریف پڑھیں،

مزدلفہ روانگی:غروب کے بعد۔ مزدلفہ میں:نمازمغرب اور عشاء اکٹھیپڑہیں۔رات گزارناسنت ہے۔کنکریاں49 یا 70 جمع کریں۔

10 ذوالحجہ — 1۔ مزدلفہ سے اشراق کے وقت نکلیں اور رمی کریں              صرفبڑے جمرہ کو سات کنکریاں۔ہر کنکری پر:اللہ اکبر

 قربانی  : حجِ تمتع،حجِ قران کرنے والوںپر واجب؟

 حلق یا قصر اس کے بعد:سلے کپڑے پہن سکتے ہیں،خوشبو لگا سکتے ہیں،لیکن ازدواجی تعلق ابھی جائز نہیں۔

 طوافِ زیارت:اس کے بعد مکمل حلال ہوجاتا ہے۔

11 ذوالحجہ: زوال کے بعدتینوں جمرات کو سات سات کنکریاں۔ترتیب:چھوٹا،درمیانہ،بڑا جمرے کو رمی کریں۔

12 ذوالحجہ:دوبارہ رمی۔ زوال کے بعد ۔       غروب سے پہلے منیٰ چھوڑ دیں تو بہتر۔ورنہ 13 زوالحجہ کی رات بھی رکنا پڑے گا۔

13 ذوالحجہ:اگر رکیں تو رمی کریں اسی ترتیب سے۔

طوافِ وداع:واپسی سے پہلے آخری طواف۔ یہ واجب ہے

حج کے واجبات کی تفصیل

اہم واجبات

مزدلفہ میں وقوف                      سعی                          رمی                          حلق یا قصر                 طوافِ وداع            

میقات سے احرام                      عرفات میں غروب تک رکنا

واجب چھوڑنے کا حکم اگر واجب بلاعذر ترک ہوگیا:دم لازم ہوگا۔

دم کیا ہے؟حدودِ حرم میں:ایک بکری یا ساتواں حصہ گائے/اونٹ

حج کو فاسد کرنے والی چیزیں

ازدواجی تعلق:وقوفِ عرفہ سے پہلے تعلق قائم کرنے سے حج فاسد ہوجاتا ہے۔

عورتوں کے اہم مسائل

حیض طواف جائز نہیں باقی اعمال کرسکتی ہیں

احرام میں چہرہ:چہرہ نہ ڈھانپیں لیکن پردے کے لیے کپڑا چہرے سے ہٹا کر رکھیں۔

زیارتِ مدینہ:اگرچہ حج کا حصہ نہیں مگر عظیم سعادت ہے۔

مسجد نبوی میں:چالیس نمازوں کی کوشش

روضۂ اقدس پر سلام                  روضۂ رسول ﷺ پر سلام                         اَلسَّلَامُ عَلَيْكَ يَا رَسُولَ اللّٰهِ                             اَلسَّلَامُ عَلَيْكَ يَا نَبِيَّ اللّٰهِ

حج کی روحانی حکمتیں

 مساوات امیر غریب سب ایک لباس میں۔

 عاجزی انسان اپنی بے بسی پہچانتا ہے۔

 قربانی اپنی خواہشات قربان کرنا۔

 مغفرت گناہوں سے پاک ہونا۔

حجِ مبرور کی علامات

گناہوں سے نفرت                     عبادت کا شوق                            اخلاق میں بہتری                       دنیا سے بے رغبتی                     

چند ضروری نصیحتیں

حج میں یہ غلطیاں نہ کریں        

لڑائی جھگڑا                دھکا دینا                    تصویروں میں مشغول رہنا                           فضول گفتگو                               نمازیں چھوڑنا

اہم دعائیں

تلبیہ:لَبَّيْكَ اللّٰهُمَّ لَبَّيْكَ...

استغفار:أَسْتَغْفِرُ اللّٰهَ رَبِّي مِن كُلِّ ذَنْبٍ

درود شریف کثرت سے پڑھیں۔

خلاصۂ حج

احرام:فرض             وقوف عرفہ:فرض                    طواف زیارت:فرض

سعی:واجب              رمی:واجب                               قربانی:واجب (تمتع/قران)                      حلق:واجب              طواف:وداع واجب