مناسک حج ایک نظر میں

 مناسک  حج  ایک  نظر  میں

حج  کے  لئے  شریعت  نے  ذی  الحجہ  کے  پانچ  ایام  ٨،٩،١٠،١١اور  ١٢ذی  الحجہ  مقرر  کئے  ہیں۔

شریعت  کی  روسے  حاجی  صاحبان  ٨  ذی  الحجہ  سے  اپنے  حج  کے  مناسک  شروع  کریں  گے۔٨  ذی  الحجہ  کو  حاجی  صاحبان  احرام  کی  حالت  میں  مکہ  سے  منیٰ  روانہ  ہوں  گے  ۔جہاں  ظہر  تا  فجرتمام  نمازیں  اداکریں  گے  اور  رات  کا  قیام  بھی  منیٰ  میں  ہی  کریں  گے۔

٩  ذی  الحجہ  کی  فجر  کی  نماز  منیٰ  میں  ادا  کرنے  کے  بعد  حجاج  کرام  عرفات  روانہ  ہوجائیں  گے  جہاں  زوال  کے  بعد  سے  وقوف  عرفات  کریںگے۔یعنی  ظہر  اور  عصر  کی  نمازیں  عرفات  ہی  میں  اداکریں  گے  اور  غروب  آفتاب  کے  بعد  نماز  مغرب  اداکئے  بغیر  مزدلفہ  روانہ  ہوجائیں  گے  ۔مزدلفہ  پہنچ  کر  عشاء  کے  وقت  مغرب  اور  عشاء  کی  نمازیں  ایک  اذان  و  تکبیر  کے  ساتھ  ادا  کریں  گے  ۔بعدہ  فجر  تک  مزدلفہ  میں  ہی  قیام  کریں  گے۔

١٠  ذی  الحجہ  کی  فجر  کی  نماز  اداکرکے  مزدلفہ  میں  وقوف  کے  بعد  مِنیٰ  کو  روانہ  ہوںگے۔جہاں  پہلے  بڑے  شیطان  کی  رمی  کریں  گے  پھر  قربانی  کریں  گے،پھر  سے  کے  بال  منڈوائیں  گے  یا  کتروائیں  گے،اس  کے  بعد  طواف  زیارت  کریں  گے  (مکہ  مکرمہ  میں  )اور  پھر  رات  کا  قیام  مِنٰی  میں  کریں  گے۔(یہ  بات  یاد  رہے  کہ  قربانی  قارن  اور  متمتع  پر  واجب  جب  کہ  مفرد  کے  لئے  مستحب  ہے)۔

گیارہ  ذی  الحجہ  کو  حجاج  کرام  اگر  کل  طواف  زیارت  نہ  کرسکے  ہوں  تو  آج  کریں  گے  ۔اس  کے  بعد  زوال  کے  بعد  سے  صبح  صادق  تک  رمی  کا  وقت  ہے۔جس  میں  بالترتیب  پہلے  چھوٹے  شیطان  کی  رمی  ہوگی  ،پھر  درمیانے  اور  پھر  بڑے  شیطان  کی۔قیام  آج  کی  رات  بھی  منیٰ  میں  ہی  رہے  گا  ۔

١٢  ذی  الحجہ  کو  بھی  زوال  کے  بعد  سے  صبح  صادق  تک  منیٰ  میں  رمی  کا  وقت  ہے۔  جس  میں  حسب  سابق  بالترتیب  پہلے  چھوٹے  شیطان،پھر  درمیانے  اور  پھر  بڑے  شیطان  کی  رمی  کریں  گے  اور  مغرب  سے  پہلے  مکہ  کو  روانہ  ہوجائیں  گے۔

نوٹ(١):  ١١اور  ١٢  ذی  الحجہ  کو  اگر  کسی  نے  زوال  سے  قبل  رمی  کی  ہے  تو  اس  کی  رمی  نہیں  ہوگی  اور  زوال  کے  بعد  دوبارہ  رمی  کرناہوگی  وگرنہ  دم  دینا  ہوگا۔

(٢)طواف  زیارت  کا  وقت  ١٠  ذی  الحجہ  کی  فجر  تک  ١٢  ذی  الحجہ  کے  غروب  آفتاب  تک  ہے۔اگر  منیٰ  روانہ  ہونے  سے  پہلے  حج  کی  سعی  نہیں  کی  ہے  توطواف  زیارت  کے  بعد  حج  کی  سعی  بھی  کرنی  ہوگی  اور  وطن  روانگی  سے  پہلے  طواف  وداع  کرنا  ہوگا۔

عمرہ  کا  طریقہ  قدم  بہ  قدم

  بغل  کے  بال،زیرناف  بال،ناخن  وغیرہ  کٹالیں۔

غسل  یا  وضوکریں  تو  نیت  کریں  کہ  احرام  باندھنے  کے  لئے  غسل  /وضو  کررہے  ہیں۔

دو(٢)بغیر  سلی  ہوئی  چادر  باندھ  لیں،دونوں  شانوں  کو  ڈھکارکھیں  اور  اگر  مکروہ  وقت  نہ  ہو  توسرڈھانک  کر  دو  رکعت  نماز  احرام  کی  نیت  سے  پڑھیں۔

سر  سے  کپڑاہٹالیں  اور  بیٹھے  ہوئے  عمرہ  کی  نیت  کریں،تین  بارتلبیہ  پڑھیں،اس  کے  بعد  درود  شریف  اور  پھر  دعاء  مانگیں۔

احرام  کی  حالت  میں  ایساجوتاپہننا  منع  ہے  جو  بیچ  قدم  کی  ابھری  ہوئی  ہڈی  کو  ڈھانپ  لے۔بہتر  ہے  کہ  دو(٢)پٹی  والی  ہوائی  چپل  پہنیں

دونوں  شانے  ڈھکارکھیں،حرم  شریف  جائیں  ،داہناپیراندر  رکھیں،مسجدمیں  داخلہ  کی  دعا  پڑھیں،حرم  شریف  میں  داخل  ہوں  اور  اعتکاف  کی  نیت  کریں۔

بیت  اللہ  پر  نظر  پڑے  تو  اس  پر  نگاہ  جمادیں  اور  دعا  مانگیں۔

تکبیر،تلبیہ  اور  درود  شریف  پڑھتے  ہوئے  بیت  اللہ  تک  پہنچےں  اور  کالی  پٹی  سے  کچھ  پہلے  بیت  اللہ  کی  طرف  منہ  کرکے  کھڑے  ہوجائیں۔

اب  یہاں  چھ(٦)کام  کرناہے:

تین  کا  م  کالی  پٹی  سے  پہلے  کریں،یعنی

تلبیہ  پڑھنا  بند  کردیں

اضطباع  کریں  یعنی  احرام  کی  اوپر  والی  چادر  کو  داہنی  بغل  سے  نکال  کر  بائیں  کندھے  پرڈالیں۔

طواف  کی  نیت  کریں۔

تین  کام  کالی  پٹی  کے  اوپرکریں  ۔اس  کے  لئے  ذرا  دائیں  چلیں  ،کالی  پٹی  پراس  طرح  آجائیں  کہ  سینہ  اور  منہ  حجر  اسود  کی  طرف  ہو  یعنی  حجر  اسود  کا  استقبال  ہوجائے۔

اور  اس  کے  بعد  یہ  کریں:

بِسْمِ  اللّٰہِ  اَللّٰہُ  اَکْبَرُ  وَلِلّٰہِ  الْحَمْدُ  کہتے  ہوئے  کانوں  تک  ہاتھ  اٹھاکر  گرادیں۔

حجر  اسود  کا  استلام  کریں

اپنی  جگہ  کھڑے  کھڑے  اور  پاوں  اپنی  جگہ  جمائے  ہوئے  فوجی  طریقہ  سے  دائیں  طرف  مڑجائیںاور  طواف  شروع  کریں۔

طواف  کے  پہلے  تین  چکروں  میں  رمل  نہ  کریں۔

طواف  کے  دوسرے  اور  بعد  کے  چکروں  میں  جب  لوٹ  کر  کالی  پٹی  پر  پہنچیں  تو  پھر  سینہ  اور  منہ  حجر  اسود  کی  طرف  کریں۔اب  کانوں  تک  ہاتھ  نہ  اٹھائیں،حجر  اسود  کا  استلام  کریں،پاوں  اپنی  جگہ  جمائے  ہوئے  پہلے  کی  طرح  فوجی  طریقہ  سے  دائیں  طرف  مڑکر  طواف  شروع  کریں۔

طواف  کے  ساتویں  چکر  کے  بعد  حجر  اسود  کاآٹھواں  استلام  ہوگا۔

طواف  ختم  کرکے  دونوں  شانوں  کو  دوبارہ  ڈھانک  لیں۔

ملتزم  پرآئیں  اور  دعامانگیں۔

بہت  ہی  جامع  اور  پیاری  دعا۔

مقام  ابراہیم  علیہ  السلام  یا  اس  کے  پاس  دورکعت  نماز  واجب  الطواف  پڑھیں۔

نماز  واجب  الطواف  اداکرنے  کے  بعدآب  زم  زم  پینامستحب  ہے۔

آب  زم  زم  پینے  کے  بعد  کالی  پٹی  پر  واپس  آجائیں  اور  حجر  اسود  کانواں  استلام  کریں۔

سعی  کے  لئے  صفاپر  آئیں  اور  سعی  کی  نیت  کریں۔

صفاپر  تکبیر  تحریمہ  کی  طرح  ہاتھ  نہ  اٹھائیں  بلکہ  قبلہ  روکھڑے  ہوکر  اس  طرح  ہاتھ  اٹھائیں  ،جیسے  دعا  میں  اٹھائے  جاتے  ہیں  ،پھر  بلند  آواز  سے  تین  مرتبہ  اَللّٰہُ  اَکْبَرُ  اَللّٰہُ  اَکْبَرُ  اَللّٰہُ  اَکْبَرُ  وَلِلّٰہِ  الْحَمْدُ  پڑھیں۔چوتھا کلمہ،تیسراکلمہ،درودشریف  پڑھیں  اور  دعامانگیں  ،مروہ  پر  بھی  یہی  کریں۔

صفااور  مروہ  کے  درمیان  سعی  کریں،دوران  سعی  چوتھاکلمہ  پڑھتے  رہیں  اور  ہر  چکر  میں  خوب  دعا  مانگیں

صفااور  مروہ  کے  درمیان  سبز  ستونوں  کی  جگہ  تیز  چلتے  ہوئے  یہ  پڑھیں۔رَبِّ  اغْفِرْ  وَارْحَمْ  اِنَّکَ  اَنْتَ  الْاَعَزُّ  الْاَکْرَمُ

سعی  سے  فارغ  ہونے  کے  بعد  اگرمکروہ  وقت  نہ  ہو  تومسجد  حرام  میں  آکردورکعت  نفل  اداکریں۔

نوٹ١:        رکن  یمانی  کو  دونوں  ہاتھوں  سے  یا  صرف  داہنے  ہاتھ  سے  چھوناہے۔اس  کو  بوسہ  دینا  یا  اس  کی  طرف  ہاتھ  سے  اشارہ  کرنا  خلاف  سنت  ہے  ۔موقع  نہ  ملے  تو  ایسے  ہی  گزرجائیں۔

نوٹ٢:          حطیم  کو  شامل  کرکے  طواف  کریں،یہ  واجب  ہے

نوٹ٣:        خیال  رکھےں  کہ  دوران  طواف  نگاہ  سامنے  ہو۔ادھر  ادھر  نہ  دیکھیں۔

نوٹ٤:        طواف  کے  دوران  دعا  کی  طرح  ہاتھ  نہ  اٹھائیں  یانماز  کی  طرح  ہاتھ  نہ  باندھیں۔

نوٹ٥:        دوران  طواف  بیت  اللہ  کی  طرف  منہ  نہ  کریں  ۔یہ  ناجائز  ہے  ۔بیت  اللہ  کی  طرف  منہ  کرناصرف  حجر  اسود  کے  استقبال  کے  لئے  جائز  ہے۔

نوٹ٦:        احرام  کی  حالت  میں  حجر  اسود  ،ملتزم  یا  رکن  یمانی  کو  ہاتھ  نہ  لگائیں  ،اس  لئے  کہ  ان  کو  خوشبو  لگادیتے  ہیں۔

نوٹ٧:        احرام  کی  حالت  میں  خوشبو  چھونے  سے  جزالازم  ہوجائے  گی۔

نوٹ٨:        مقام  ابراہیم  علیہ  السلام  کو  بوسہ  دینا  یااس  کا  استلام  کرنامنع  ہے۔

نوٹ٩:        کالی  پٹی  یہاں  تین  کام  کرنے  ہیں  جیساکہ  اوپر  ٩(ب)  میں  لکھا  ہے۔کالی  پٹی  یہاں  پر  یعنی  کالی  پٹی  سے  پہلے  بیت  اللہ  کی  طرف  منہ  کرکے  کھڑے  کھڑے  تین  کام  کریں  ،جیساکہ  اوپر  ٩(الف)میں  لکھاہے۔

سلسلہ  نمبر  عمرہ  کی  کتاب  ''احکام  عمرہ''کے  ہیں۔

تلبیہ

لَبَّیْکَ  اَللّٰھُمَّ  لَبَّیْکَ۔لَبَّیْکَ  لَاشَرِیْکَ  لَکَ  لَبَّیْکَ۔اِنَّ  الْحَمْدَ  وَالنِّعْمَۃَ  لَکَ  وَالْمُلْکَ۔لَاشَرِیْکَ  لَکَ 

نوٹ:(الف)        جنت  البقیع  مدینہ  منورہ  شریف  کا  مشہور  قبرستان  ہے۔اس  میں  اکثر  صحابہ  کرام  رضوان  اللہ  علیہم  اجمعین،امہات  المومنین  رضی  اللہ  عنہن  ،آنحضرت  صلی  اللہ  علیہ  وسلم  کے  صاحبزادے  رضی  اللہ  عنہم  اورصاحبزادیاںرضی  اللہ  عنہن  اور  اہل  بیت  رضوان  اللہ  علیہم  اجمعین  مدفون  ہیں۔

اس  جگہ  پہلے  غرقد(ببول)  کے  درخت  ہواکرتے  تھے۔اس  لئے  اس  کو  بقیع  الغرقد  بھی  کہتے  ہیں۔مختصر  تفصیل  یہ  ہے۔

نقشہ  میں  نمبر(١)  سے  نمبر  (١٣)تک  وہ  مزارات  ہیں  جن  کا  علم  معتبرذرائع  سے  ہوا۔ہر  ایک  نمبر  کی  تفصیل  یہ  ہے۔

١۔        مزارات  اہل  بیت:حضرت  عباس  رضی  اللہ  عنہ  بن  عبدالمطلب  (عم  رسول  صلی  اللہ  علیہ  وسلم  )سیدۃ  النساء  فاطمۃ  الزہرا  رضی  اللہ  عنہا،حسن  بن  علی  المرتضیٰ  رضی  اللہ  عنہ،علی  بن  حسین  رضی  اللہ  عنہ،  زین  العابدین  بن  حسین  رضی  اللہ  عنہ،  محمد  الباقر  بن  زین  العابدین،  جعفر  الصادق  بن  محمد  باقر۔

٢۔        آنحضرت  صلی  اللہ  علیہ  وسلم  کی  صاحبزادیاں:ام  کلثوم،رقیہ،زینب  رضی  اللہ  عنہن  ۔

٣۔        امہات  المؤمنین،ازواج  مطہرات  آنحضرت  صلی  اللہ  علیہ  وسلم  :

        سیدہ  عائشہ  صدیقہ  رضی  اللہ  عنہا،  سودہ  بنت  زمعہ  رضی  اللہ  عنہا  ،حفصہ  رضی  اللہ  عنہا  بنت  فاروق  اعظم  ،ام  سلمہ  رضی  اللہ  عنہا،  جویریہ  رضی  اللہ  عنہا،ام  حبیبہ  رضی  اللہ  عنہا،  زینب  بن  خزیمہ  رضی  اللہ  عنہا،  زینب  بنت  جحش  رضی  اللہ  عنہا۔

٤۔        حضرت  عقیل  رضی  اللہ  عنہ  بن  ابی  طالب  ،عبداللہ  بن  جعفر  طیاررضی  اللہ  عنہ

٥۔        حضرت  سعد  بن  ابی  وقاص  رضی  اللہ  عنہ

٦۔        امام  دارالہجرۃ  حضرت  مالک  بن  انس  رضی  اللہ  عنہ

٧۔        حضرت  نافع  مولیٰ  عبداللہ  بن  عمررضی  اللہ  عنہ

٨۔        حضرت  ابراہیم  رضی  اللہ  عنہ  بن  محمد  رسول  اللہ  صلی  اللہ  علیہ  وسلم  ،عثمان  بن  مظعون  رضی  اللہ  عنہ،عبدالرحمن  بن  عوف  رضی  اللہ  عنہ،ابوامامہ  اسعد  بن  زرارہ  رضی  اللہ  عنہ،  خنیس  بن  حذافہ  رضی  اللہ  عنہا،  فاطمہ  بنت  اسد  رضی  اللہ  عنہا،  (والدہ  علی  المرتضیٰ  رضی  اللہ  عنہ  اور  رسول  اللہ  صلی  اللہ  علیہ  وسلم  کی  چچی)

٩۔        شہدائے  حرہ

١٠۔        حضرت  عثمان  بن  عفان  رضی  اللہ  عنہ

١١۔        بی  بی  حلیمہ  السعدیہ  رضی  اللہ  عنہا

١٢۔        حضرت  ابوسعید  الخدری  رضی  اللہ  عنہ

١٣۔        صفیہ  بنت  عبدالمطلب  (رسول  اللہ  صلی  اللہ  علیہ  وسلم  کی  پھوپھی)

امام  غزالی  لکھتے  ہیں:مستحب  ہے  کہ  روزانہ  حضور  صلی  اللہ  علیہ  وسلم  پر  سلام  پڑھنے  کے  بعد  بقیع  کی  زیارت  کوحاضر  ہواکرے۔اگر  روزانہ  نہ  جاسکے  توخاص  طرح  سے  جمعہ  کے  دن  ضرور  جائے۔(فضائل  حج)

جب  قبرستان  بقیع  شریف  میں  داخل  ہوجائے  توپہلے  اجمالی  طور  پر  اس  طرح  سلام  عرض  کرے۔

اَلسَّلَامُ  عَلَیْکُمْ  یَآاھْلَ  الْبَقِیْعِ  یَآاھْلَ  الْجَنَابَ  الرَّفِیْعِ  اَنْتُمُ  السَّابِقُوْنَ  وَنحْنُ  اِنْشَاءَ  اللّٰہُ  بِکُمْ  لَاحِقُوْنَ  ۔  نَسْئَلُ  اللّٰہَ  لَنَاوَلَکُمْ  وَیَرْحَمُ  اللّٰہُ  الْمُسْتَقْدِمِیْنَ  مِنَّا  وَالْمُسْتَاخِرِیْنَ  ۔اَللّٰھُمَّ  اغْفِرْلِاَھْلِ  بَقِیْعِ الْغَرْقَدِ۔ اَلسَّلَامُ  عَلَیْکُمْ  وَرَحْمَۃُ  اللّٰہِ  وَبَرَکَاتُہ،۔

اے  اہل  بقیع  ،اے  عالی  بارگاہ  والو،تم  پر  سلام  ہو  تم  ہم  سے  پہلے  چلے  گئے  اور  ہم  انشاء  اللہ  تم  سے  ملنے  والے  ہیں۔ہم  اللہ  تعالیٰ  سے  اپنے  اورتمہارے  لئے  عافیت  مانگتے  ہیں۔اللہ  تعالیٰ  ہماری  اورتمہاری  مغفرت  فرمائے۔اور  اللہ  تعالیٰ  ہم  سے  پہلے  اور  بعد  میں  جانے  والوں  پر  رحم  فرمائے،اے  اللہ!  اہل  بقیع  غرقد  کی  مغفرت  فرما۔تم  پر  سلام  ہو  اور  اللہ  تعالیٰ  کی  رحمتیں  اوربرکتیں  نازل  ہوں۔